సుధాకర్ కొత్తగా సినీ రంగం లో అడుగుపెట్టేడు. చేసినవి రెండే సినిమాలు కానీ మంచిపేరు తెచ్చి పెట్టాయి. కోటి ఆశలతో రంగుల ప్రపంచం లో విహరిస్తూ తనుండే చిన్న పల్లె నుండి హైదరాబాద్ వచ్చేసాడు. పెట్టె బ్యాగు తప్ప ఏమీ లేవు. ఊరవతల ఉన్న కాలనీలో చిన్న ఇల్లు తీసుకున్నాడు. మొదట్లో అవకాశాలకోసం కాళ్ళరిగేలా తిరుగుతూ హోటల్ లో భోజనం చేసే వాడు. తర్వాత అనిపించింది, ఆరోగ్యం పాదవుతోందని. ఖాళీ ఉన్నప్పుడు వండుకోడమే మంచిదనిపిచింది. అలా వండుకుంటూ తోముకుంటూ ఉండే రోజుల్లో పెరట్లో ఒక మామిడి మొక్క నాటాడు. రోజూ ఏంటో అపురూపంగా అనిపించేది మొక్క ఎదుగుతుంటే. నేను చిత్ర పరిశ్రమ లో నీలాగే ఎదగాలి అని కోరుకుంటూ ఉండేవాడు. దేవుడు కరుణించి పిచ్చి డైరెట్రు రాజ గోపాల వర్మ కంట్లో పడ్డాడు. సుడితిరిగింది సుధాకర్ కి. అంచలంచెలుగా ఎదగడం ప్రారంభించాడు. మొక్క తో మాట్లాడడానికి తీరిక లేక పోయింది. ఒకరోజు సుధాకర్ సిటీ లోకి మకాం మార్చాలని నిర్ణయించుకున్నాడు. తప్పదు మరి. తన ఇమేజ్ కు తగ్గట్టుగా ఒక ఇల్లు ఒక ప్రొడక్షన్ మేనేజర్ చూసాడు. సుధాకర్ కి నచ్చిన్ది. వెళ్ళే ముందు మామిడి మొక్క దగ్గరికి వెళ్ళాడు. చెయ్యి ఎత్తి చిటారు కొమ్మ ని అందుకున్నాడు. కొద్ది నెలల్లో నాకు అందకుండా పోతావు. కానీ నువ్వు వచ్చిన వేల చాలా మంచిది. నాకు మంచి అవకాశాలు వచ్చాయి. ఈ ఇంట్లో ఉండే ఇద్దరు ప్రాణులమ్ మనం. ఇంతకాలం కలిసి ఉన్నాము. సెలవ్, తీరికున్నప్పుడు వచ్చి చూస్తాను. సుధాకర్ దశ తిరిగింది. పెద్ద హీరో అయిపోయాడు. నగరం లో ఆస్తులు బాగా సంపాదించాడు. బాగా మారిపొయాదు. తన తోటి హీరోలని అణగ దొక్కి, హీరోయిన్లని దౌర్జన్యంగా గుప్పిట్లో పెట్టుకొని, ఎదుగుతున్నాడు. సుధాకర్ కి పెళ్లి కుదిరింది. పెద్ద హీరో అనే అహం చల్లార్చుకోడం కోసం విపరీతంగా కట్నం తీసుకున్నాడు. కళ్యాణ మండపం కి తన పాత ఇంటి దగ్గర ఉంది. పెళ్లి అయిపోయిన తరువాత కార్ లో మళ్ళీ సిటీ లో ఉండే ఇంటికి వెళ్ళుతుండగా " డ్రైవర్, కార్ ఆపు" అన్నాడు భార్యతో సహా కార్ దిగాడు. తన స్నేహితున్ని పరిచయం చేసాడు. అనేక మంది ఆ చెట్టు నీడలో సేద తీరు తున్నారు. కొంత మంది పిల్లలు మామిడి కాయలు కోసుకొని తింటున్నారు. సుధాకర్ చెట్టు పైకి చూసాడు. కొమ్మలలో అనేక పక్షులు. ఒక పక్షిని చూస్తుండగా తన చేతి నుండి జారి పోయిన పిట్ట, (హీరొయిన్) గుర్థొచ్చిన్ది. ఆమెకు అవకాశాలు రాకుండా చూడడానికి ఒక గ్రూప్ నిరంతరం కాపలా కాస్తోంది. ఎందుకో సిగ్గేసింది. ఎంతో మంది కార్మికుల రక్తాన్ని , రచయితల మేధా శక్తిని, సాంకేతిక నిపుణుల నైపుణ్యాన్ని పిండుకుని, అట్ట సెట్టింగుల తో అద్దెకు తెచ్చుకున్న ఆడవారితో, మరొకరి ప్రతిభను తన ప్రతిభ గా చూబించుకునే తనెక్కడ , భూమాత తనకి ఇచ్చిన శక్తిని వేర్లద్వారా గ్రహించి అనేక మందికి నీడనిచ్చే చెట్టు ఎక్కడ? ఇలా ఆలోచిస్తుండగానే చెట్టు మీద నుంచి ఒక పండు పడింది. ఎంత అదృష్టం నువ్వు తెలిసిన వాళ్ళు తెలియని వాళ్ళు అన్న బేధం లేకుండా అందరికీ నీ ఫలాలు పంచుతున్నావు. చల్లిని నీడని ఇస్తున్నావు. నేను తెలిసిన వారిని కూడా దోచు కుంటున్నాను. ఎంత తేడా? నువ్వు ఎదిగి వృక్షం అయ్యావు. నేను ఇంకా ఎదిగితే రాజకీయ నాయకుడు అవుతాను. నేవు అనేక మందికి నిత్యం నీడ నిస్తున్నావు, నీడలేకుండా చేస్తున్నాను నేను. నువ్వు అనేక మందికి ఫలాలని పంచుతున్నావు నేను మురికిని పంచుతున్నాను . నువ్వే నాకు స్ఫూర్తి. నా చేతులతో నేనే నిన్ను నాటాను. ఇకపై మంచి చేస్తాను సమాజానికి. సెలవ్ మిత్రమా!
No comments:
Post a Comment