"నాకు బైక్ కొనక పొతే కాలేజ్ కి వెళ్ళను." గట్టిగా తెగేసి చెప్పాడు. సురేష్.
మా ఫ్రెండ్స్ అందరూ ఇంటర్ నుంచే బైక్స్ వాడు తున్నారు . నేను బీ.టెక్ కి వచ్చాను ఇంటర్ లో కొంటాను అని చెప్పి ఇంకా కొనలేదు. "నేను చేసేది కండక్టర్ పని. నాకోచ్చే జీతం ..." అంటుండగా "నాకు ఎం చెప్పొద్దూ నాన్న" అని ఆవేశంగా బైటకు వెళ్ళిపోయాడు.అతడు వెళ్లిపోతుండగా వచ్చాడు పక్కఇంటి ప్రసాదరావు .పలకరించినా ఆగకుండా వెళ్లి పోయాడు సురెశ్. "మంచి వేడి లో ఉన్నాడు వాడు ఎవరినీ చూసే స్థితిలో లేడు, లోపలి రండి " అన్నాడు సురేష్ తండ్రి శంకరం.
కొన్ని గంటల తరువాత వచ్చాడు సురేష్ వచ్చాడు సురెశ్. ఈలోగా బిడ్డ ఏమయిపోయాడోనని తల్లడిల్లి పోయింది తల్లి. సురేష్ కు కావలిసింది కూడా అదే. వస్తూనే ముఖం దుమ్మ లాడించాడు సురేష్. బిడ్డను చూస్తూనే బావురుమంది తల్లి. బాబూ ఎక్కడికి వెళ్లి పోయావురా? ఏమయిపోయావురా? ఎడుపు గొంతు తో అడిగుతున్న తల్లిని " ఏమీ అయిపోనులే, చచ్చిపోయాను అనుకున్నావా?" అంటూ ఈసడించాడు తల్లిని.
బాబూ నీకు బైక్ ..అని ప్రసాదరావు కీస్ ఇచ్చాడు ఇంకా అతడు అక్కడే ఉండడం చూసి ఆశ్చర్య పోయాడు సురేష్. బండి తాళాలు ఇవ్వడం చూసి షాక్ అయ్యాడు. అక్కడవున్న బైక్ చూసి ఇది " ఇది కొత్త బండి ప్రసాదరావు అంకుల్ కొడుకు మహేష్ ది కదా! ఇక్కడ ఎందుకు ఉంది?" అన్నాడు సురేష్.
ఈరోజు నుంచి ఇది నీదేరా అన్నాడు శంకరం. ఇది మహేష్ ది కదా నాది ఎలా అయ్యింది. నేను గోల చేసినప్పుడు రెండురోజులు నాకిచ్చి నన్ను ఊరుకోబెట్టడం కోసమా ఇదంతా .. ఇంతకుముందులా చేయకు నాన్న నేను చిన్న పిల్లాన్ని కాదు. అన్నాడు సురేష్.
ఈ బండి వద్దని చెప్పినా చేస్తానని కొనిపించుకున్నాడు నా కొడుకు మహేష్ . ఆ తరువాత అతి వేగంగా నడిపి తన మోజు తీర్చుకున్నాడు. కానీ ఒక రోడ్డు ప్రమాదంలో చనిపోయాడు. బండికి ఇంకాలేదు తాను మాత్రమే పోయాడు. ఇదిగో బాబూ తాళాలు తీసుకో మీ నాన్నను చంపకు. అన్నాడు ప్రసాదరావు .సురేష్ కి గుండె ఆగినంత పనైంది. తాను చేస్తున్న పని ఏంటో తెలిసొచ్చి సిగ్గుతో తల దించుకున్నాడు
No comments:
Post a Comment